DODECANISUS

DODECANISUS

Gr. Δωδεκάνησος, nomen frequentissimum apud Graecos, quo Insulae Sporades, et Cyclades omnes, ut et insulae propriores praeter Cyprum et Cretam olim dicebantur: Lat. Duodecim insulae. Unde praefectus Callipolitanus, cuius nutui parebant, titulum habuit Praefecti Dodecanisi: quemadmodum hodienum Turcae Sanzacko Callipolitano curam harum Insularum committere solent. Status earum hodiernus inquietus admodum ac turbulentus est, variisqueve iam Turcarum, iam Venetorum invasionibus obnoxius, quo fit, ut utrisqueve pareant. Et veneti quidem quotannis tributum 150. mill. Imperialium circiter ab iis exigunt, et Cerigo ac Tino fortalitiis fuis firmatas tenent: Turca vero Tenedum muniit, Lemnum, Negroponte, Lango. Rhodum, vide Castlemanii Angli descr. Candiae, ad Regem Mag. Britanniae, in append. ad Diarium Eur. Contin. Part. 16. p. 21. 22. ut et Auctorem Anonym. Hist. Geogr. et Civ. Orbis Terr, c. 5. Ex insulis Asiae propioribus huc pertinent Tenedos, Tenedo, Lesbius, Chius, Scio, Icaria Nicaria, Samus Samo, Pathmus Palmossa, Cous Coa, Carpathos Scarpantho et Rhodus, Idem.